डेकॅथलॉन ट्रान्सरिअल
प्रत्येक बुद्ध /श्रीधर तिळवे
प्रत्येक बुद्ध /श्रीधर तिळवे
प्रत्येक बुद्ध प्रथम
माझ्यासारखाच होता
प्रत्येकजण माझ्यासारखा
शेवटी बुद्धच होणार आहे
मलाही बुद्धाप्रमाणे
हे खोलवर कळायला हवे
जेणेकरून
मी जाणार नाही पळून
बुद्ध होण्यापासून
(डेकॅथ्लोन ट्रान्सरिअल (इन्फिनीट ) ह्या प्रकाशित काव्यसंग्रहातुन )
खरा मर्द /श्रीधर तिळवे
आत्मचिंतेत जळण्यापेक्षा
आत्मचितेत जळ
स्वताची राख फासून जगशील
तर खरा जगशील
खरा मर्द
आत मरतो
चालणं /श्रीधर तिळवे
प्रथम नदीतून चालत गेला
नदी उरली
मग नदी चालत गेली
पाणी उरलं
मग पाणी चालत गेलं
मी उरलो
मग मी चालत गेलो
चालणं उरलं
चालतोय
श्रीधर तिळवे -नाईक
(डेकॅथ्लोन ट्रान्सरिअल (इन्फिनीट ) ह्या प्रकाशित काव्यसंग्रहातुन )
